തൃശൂര്‍: നിലമ്പൂര്‍ തേക്കിന് ഭൗമസൂചികാ ബഹുമതി ലഭിച്ചെന്ന് കൃഷി വകുപ്പ് മന്ത്രി വി.എസ് സുനില്‍കുമാര്‍. ലോകത്ത് ആദ്യമായാണ് ഒരു വൃക്ഷത്തിന് ഈ പദവി ലഭിക്കുന്നതെന്നും അദ്ദേഹം പറഞ്ഞു. വൈഗ അന്താരാഷ്ട്ര ശില്‍പശാലയുടെ സമാപനത്തോടനുബന്ധിച്ച് നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.

കേരള സര്‍വകലാശാലയാണ് നിലമ്പൂര്‍ തേക്കിന് ഭൗമ സൂചിക ലഭിക്കുന്നതിന് മുന്‍കൈയെടുത്തത്. മറയൂര്‍ ശര്‍ക്കരയ്ക്ക് ഭൗമ സൂചിക ലഭിക്കുന്നതിനുള്ള നടപടികള്‍ പുരോഗമിക്കുകയാണ്. പദവി ലഭിച്ചാല്‍ കര്‍ഷകര്‍ക്ക് കൂടുതല്‍ ഗുണകരമായിരിക്കുമെന്നും അദ്ദേഹം പറഞ്ഞു.