നീസ്: കരിയറില്‍ നിരവധി തവണ വംശീയാധിക്ഷേപം നേരിട്ട മരിയോ ബെല്ലോട്ടെല്ലിക്ക് വീണ്ടും ദുരനുഭവം. ഫ്രഞ്ച് ലീഗ് വണ്‍ ടീം നീസിന്റെ താരമായ ബെല്ലോട്ടെല്ലി നീസ്- ബാസ്റ്റിയ മത്സരത്തിനിടെയാണ് ബാസ്റ്റിയ ഫുട്‌ബോള്‍ പ്രേമികളുടെ വംശീയാധിക്ഷേപത്തിനു ഇരയായത്. മത്സരത്തിനിടെ മങ്കിയെന്നു വിളിച്ചാണ് താരത്തെ ഫുട്‌ബോള്‍ പ്രേമികള്‍ അപമാനിച്ചത്.
വംശീയാധിക്ഷേപം ഫ്രാന്‍സില്‍ നിയമവിധേയമാണോ അതോ ബാസ്റ്റിയയില്‍ മാത്രമാണോ എന്നു താരം സമൂഹ മാധ്യമത്തിലൂടെ ചോദിച്ചു. ഫുട്‌ബോള്‍ പോലെ മനോഹരമായ കളിക്ക് ബാസ്റ്റിയന്‍ പ്രേമികളെ പോലെയുള്ളവര്‍ മഹാ നാണക്കേടാണെന്നും ബെല്ലോട്ടെല്ലി തുറന്നടിച്ചു.