തൃശൂര്‍: സി.പി.എമ്മും ബി.ജെ.പിയും ചേര്‍ന്ന് കേരളത്തെ കുരുതിക്കളമാക്കുകയാണെന്ന് രമേശ് ചെന്നിത്തല. സംസ്ഥാന കലോത്സവം നടക്കുമ്പോള്‍ തന്നെ കൊലപാതകം നടത്തി അക്രമരാഷ്ട്രീയത്തിന്റെ വക്താക്കളാണ് തങ്ങളെന്ന് അവര്‍ തെളിയിച്ചു. കൊലപാതകത്തില്‍ പങ്കില്ലെന്ന് സി.പി.എം പറയുമ്പോള്‍ തന്നെ കഴിഞ്ഞദിവസം കൊലപാതകവുമായി ബന്ധപ്പെട്ട് അറസ്റ്റിലായവര്‍ സി.പി.എം പ്രവര്‍ത്തകരാണ്.
ഇവര്‍ക്കെതിരെ പോലീസ് മുഖം നോക്കാതെ നടപടിയെടുക്കുമോ എന്നാണ് അറിയേണ്ടത്. ശക്തരായ പൊലിസ് ഉദ്യോഗസ്ഥരെ വിനിയോഗിക്കേണ്ട കണ്ണൂരില്‍ പൊലിസ് തലപ്പത്ത് ആരെയാണ് വച്ചിരിക്കുന്നതെന്ന് ജനം വിലയിരുത്തുമെന്നും ചെന്നിത്തല പറഞ്ഞു.