കണ്ണൂര്‍:ബി.ജെ.പി പ്രവര്‍ത്തകന്‍ സന്തോഷിന്റെ കൊലപാതകവുമായി ബന്ധപ്പെട്ട് ആറ് സി.പി.എം പ്രവര്‍ത്തകര്‍ അറസ്റ്റിലായതോടെ സി.പി. എമ്മിന്റെ കള്ളപ്രചാരണം പൊളിഞ്ഞുവെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍ ആരോപിച്ചു.
എല്ലാ കാലത്തും ഇതര പ്രസ്ഥാനങ്ങളുടെ പ്രവര്‍ത്തകരെ കൊലപ്പെടുത്തിയ ശേഷം തങ്ങള്‍ക്ക് പങ്കില്ലെന്ന് പ്രഖ്യാപിക്കുക സി.പി.എമ്മിന്റെ രീതിയാണ്. കഴിഞ്ഞ രണ്ടു ദിവസമായി ഇതാണ് ഈ കേസിലും സി.പി.എം നേതൃത്വം തുടര്‍ന്നിരുന്നതെന്നും കുമ്മനം പറഞ്ഞു.