ലഖ്‌നോ: യു.പി തെരഞ്ഞെടുപ്പില്‍ കോണ്‍ഗ്രസിന് 99 സീറ്റുകള്‍ മാത്രമേ നല്‍കാനാകൂ എന്ന് സമാജ് വാദി പാര്‍ട്ടി വ്യക്തമാക്കി. ഇതോടെ കോണ്‍ഗ്രസും എസ്.പിയും തമ്മിലുള്ള ചര്‍ച്ച വഴിമുട്ടി.
മുഖ്യമന്ത്രി അഖിലേഷ് യാദവ് നേരിട്ട് നടത്തുന്ന സീറ്റ് വിഭജനത്തില്‍ ഒരുതരത്തിലുള്ള വിട്ടുവീഴ്ചയ്ക്കും തയാറല്ലെന്ന നിലപാടിലാണ് സമാജ് വാദി പാര്‍ട്ടി. ഇതിനിടയില്‍ പാര്‍ട്ടിയുടെ പ്രകടന പത്രിക ഇന്ന് അഖിലേഷ് പുറത്തിറക്കും. നേരത്തെ കോണ്‍ഗ്രസിന് 85 സീറ്റകുള്‍ നല്‍കുമെന്നായിരുന്നു എസ്.പി അറിയിച്ചിരുന്നത്. പിന്നീട് അത് 99 ആക്കാമെന്ന് അറിയിച്ചു. എന്നാല്‍ 110 സീറ്റെങ്കിലും വേണമെന്നാണ് കോണ്‍ഗ്രസ് ആവശ്യപ്പെടുന്നത്.