മലപ്പുറം: സാഹിത്യ മേഖലയില്‍ അഭിരുചിയുള്ള യുവതീ യുവാക്കളെ പ്രോത്സാഹിപ്പിക്കാന്‍ സംസ്ഥാന യുവജനക്ഷേമ ബോര്‍ഡ് യുവസാഹിത്യ ക്യാംപ് സംഘടിപ്പിക്കുന്നു. സാഹിത്യ രംഗത്തെ പ്രഗത്ഭരുമായി സംവദിക്കുന്നതിന് അവസരമൊരുക്കുന്നതോടൊപ്പം സെമിനാറുകള്‍, സംവാദങ്ങള്‍ എന്നിവയുമുണ്ടാകും.
18നും 40നും മധ്യേ പ്രായമുളള യുവതീ യുവാക്കള്‍ അവരുടെ പ്രസിദ്ധീകരിച്ചിട്ടില്ലാത്ത സൃഷ്ടിയും (കഥ, കവിത, ലേഖനം) വയസ് തെളിയിക്കുന്ന രേഖയുടെ സ്വയം സാക്ഷ്യപ്പെടുത്തിയ പകര്‍പ്പും പാസ്‌പോര്‍ട്ട് സൈസ് ഫോട്ടോയും സഹിതം മെമ്പര്‍ സെക്രട്ടറി, കേരള സംസ്ഥാന യുവജനക്ഷേമ ബോര്‍ഡ്, സ്വാമി വിവേകാനന്ദന്‍ യൂത്ത് സെന്റര്‍, ദൂരദര്‍ശന്‍ കേന്ദ്രത്തിനു സമീപം, കുടപ്പനക്കുന്ന് പി.ഒ, തിരുവനന്തപുരം 695043 എന്ന മേല്‍വിലാസത്തില്‍ ജനുവരി 30നു മുന്‍പായി അയക്കണം.