മഞ്ചേരി: വിവിധ ആവശ്യങ്ങളുന്നയിച്ചു നടത്തുന്ന സമരപരിപാടികളുടെ ഭാഗമായി 24നു സൂചനാ ബസ് പണിമുടക്ക് നടത്താന്‍ തീരുമാനിച്ചതായി ജില്ലാ ബസ് ഓപറേറ്റേഴ്‌സ് അസോസിയേഷന്‍ ഭാരവാഹികള്‍ അറിയിച്ചു. അനുകൂല തീരുമാനമുണ്ടായില്ലെങ്കില്‍ ഫെബ്രുവരി രണ്ടു മുതല്‍ അനിശ്ചിതകാല ബസ് സമരവുമായി മുന്നോട്ടുപോകാനാണ് തീരുമാനം. യോഗം സംസ്ഥാന ട്രഷറര്‍ എരികുന്നന്‍ ഹംസ ഉദ്ഘാടനം ചെയ്തു. വൈസ് പ്രസിഡന്റ് വെട്ടത്തൂര്‍ മുഹമ്മദാലി അധ്യക്ഷനായി. ജില്ലാ ജനറല്‍ സെക്രട്ടറി പി. മുഹമ്മദ് എന്ന നാണിഹാജി, എ.ടി അലി, മുസ്തഫ കളത്തുംപടി, ബാലന്‍ എടപ്പാള്‍ സംസാരിച്ചു.