മൗണ്ട് മൗന്‍ഗനൂയി (ന്യൂസിലന്‍ഡ്): കനത്ത മഴയെ തുടര്‍ന്ന് വെസ്റ്റിന്‍ഡീസും ന്യൂസിലന്‍ഡും തമ്മിലുള്ള രണ്ടാം ടി20 ഉപേക്ഷിച്ചു. ഒന്‍പത് ഓവറുകള്‍ മത്സരം നടന്ന ശേഷമാണ് മഴ തുടങ്ങിയത്. പിന്നീട് ഒരു പന്ത് പോലും എറിയാന്‍ സാധിക്കാതെ വന്നതോടെയാണ് മത്സരം ഉപേക്ഷിച്ചത്. ഒന്‍പതോവറില്‍ ന്യൂസിലന്‍ഡ് നാല് വിക്കറ്റ് നഷ്ടത്തില്‍ 102 റണ്‍സെന്ന നിലയില്‍ നില്‍ക്കേയാണ് മഴ തുടങ്ങിയത്. ഓപണര്‍ കോളിന്‍ മണ്‍റോ 23 പന്തില്‍ 66 റണ്‍സുമായി തിളങ്ങി. മൂന്ന് മത്സരങ്ങളടങ്ങിയ പരമ്പരയിലെ ആദ്യ മത്സരം ന്യൂസിലന്‍ഡ് 47 റണ്‍സിന് വിജയിച്ചിരുന്നു. പരമ്പരയില്‍ കിവികള്‍ 1-0ത്തിന് മുന്നില്‍.