മാറഞ്ചേരി: ബിവറേജില്‍നിന്നു മദ്യം വാങ്ങി ഗ്രാമങ്ങളില്‍ കൂടിയ വിലയ്ക്കു വില്‍ക്കുന്നയാളെ പൊലിസ് അറസ്റ്റ് ചെയ്തു. എരമംഗലം ആലിന്‍ചുവട് തോട്ടേക്കാട്ട് ഷാജിയെയാണ് പെരുമ്പടപ്പ് പൊലിസ് കഴിഞ്ഞ ദിവസം അറസ്റ്റ് ചെയ്തത്.
എരമംഗലം, ആലിന്‍ചുവട്, മഠത്തിപ്പറമ്പ് ഭാഗങ്ങളില്‍ അനധികൃതമായി വിദേശമദ്യം വില്‍പന നടത്തുന്നെന്ന വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇയാള്‍ പിടിയിലായത്.
ഇയാളുടെ കൈയില്‍നിന്ന് അഞ്ചു ലിറ്റര്‍ വിദേശമദ്യം പിടിച്ചെടുത്തു. പ്രതിയെ പൊന്നാനി കോടതിയില്‍ ഹാജരാക്കി റിമാന്‍ഡ് ചെയ്തു.