കണ്ണൂര്‍: ഓസ്‌ഫോജന ജില്ലാ കമ്മിറ്റി സംഘടിപ്പിച്ച ദര്‍സ് ഫെസ്റ്റില്‍ നാലാം തവണയും ഓവറോള്‍ ചാംപ്യന്‍മാരായി പൊതുവാച്ചേരി മര്‍ക്കസുല്‍ ഉലമ ദര്‍സ് .
തെന്നിന്ത്യയിലെ ഏറ്റവും വലിയ മത കലാലയമായ പട്ടിക്കാട് ജാമിഅ നൂരിയ്യ അറബിയ്യയുടെ സമ്മേളനത്തോടനുബന്ധിച്ചാണ് ദര്‍സ്‌ഫെസ്റ്റ് സംഘടിപ്പിച്ചത്.
സീനിയര്‍, ജൂനിയര്‍ തലങ്ങളില്‍ 50 ഓളം ഇനങ്ങളില്‍ 10 ദര്‍സുകളിലെ 200 ല്‍ പരം മുഅല്ലിമീങ്ങള്‍ ഫെസ്റ്റില്‍ പങ്കെടുത്തു. ഹാഫിള്‍ അബ്ദുറസാഖ് ഫൈസി ഇരിക്കൂറിന്റെ നേതൃത്വത്തില്‍ 90 വിദ്യാര്‍ഥികള്‍ പഠിക്കുന്ന മര്‍ക്കസുല്‍ ഉലമ ദര്‍സ് സീനിയര്‍ വിഭാഗത്തിലും ജൂനിയര്‍ വിഭാഗ ത്തിലും ജേതാക്കളായി.