തലശ്ശേരി: തലശ്ശേരിയില്‍ ആദ്യ വനിതാ എ.എസ്.പിയായി കോഴിക്കോട് സ്വദേശിനി ചൈത്ര തെരേസാ ജോണ്‍ ചുമതലയേറ്റു. നിലവില്‍ തലശ്ശേരി ഡിവൈ.എസ്.പിയായിരുന്ന പ്രിന്‍സ് അബ്രഹാമിനെ കഴിഞ്ഞദിവസം തല്‍സ്ഥാനത്ത് നിന്ന് നീക്കുകയായിരുന്നു. കല്‍പ്പറ്റ എ.എസ്.പിയായി സേവനമുഷ്ഠിക്കുന്നതിനിടെയാണ് ചൈത്രയെ തലശ്ശേരിയിലേക്ക് മാറ്റിയത്. മൂന്ന് മാസക്കാലം കല്‍പ്പറ്റ എ.എസ്.പിയായിരുന്നു. ഇടക്കിടെ സംഘര്‍ഷം ഉടലെടുക്കുന്ന തലശ്ശേരി സബ് ഡിവിഷനു കീഴില്‍ ആദ്യമായാണ് ഒരു വനിതാ ഐ.പി.എസ് ഉദ്യോഗസ്ഥ സ്ഥാനമേല്‍ക്കുന്നത്. സംഘര്‍ഷം ഇല്ലാതാക്കാന്‍ കഴിയാവുന്നതെല്ലാം ചെയ്യുമെന്ന് ചൈത്ര ജോണ്‍ മാധ്യമ പ്രവര്‍ത്തകരോട് പറഞ്ഞു. തലശ്ശേരി സബ് ഡിവിഷന്‍ രൂപീകൃതമായതിന് ശേഷം സ്ഥാനമേല്‍ക്കുന്ന 64ാമത്തെ ഓഫിസറാണ് ഇവര്‍.