കരുനാഗപ്പള്ളി: ഒടുവില്‍ അര്‍ഹിക്കുന്ന അംഗീകാരം സലിംഖാനെത്തേടിയെത്തി. ഹിന്ദി ഭാഷാ പ്രചരണം ജീവിതദൗത്യമായി ഏറ്റെടുത്ത മുഴങ്ങോട്ടുവിള എസ്.കെ.വി.യു.പി സ്‌കൂളിലെ ഹിന്ദി അധ്യാപകനായ മുഹമ്മദ് സലീംഖാനെത്തേടി ഉത്തര്‍പ്രദേശ് സര്‍ക്കാരിന്റെ അമ്പത്തിയൊന്നായിരം രൂപയുടെ പുരസ്‌കാരമെത്തി.
ഖുര്‍ആന്‍, രാമായണം, മഹാഭാരതം, ബൈബിള്‍, ഉപനിഷത്തുകള്‍ എന്നിവയിലെ പതിനേഴ് കുട്ടികഥാപാത്രങ്ങളെക്കുറിച്ച് വള്ളിക്കാവ് മോഹന്‍ദാസ് രചിച്ച ബാലപുരാണത്തിന്റെ ഹിന്ദി പരിഭാഷയ്ക്കാണ് ഇപ്പോള്‍ അവാര്‍ഡ് ലഭിച്ചത്.