ചെറുവത്തൂര്‍: ഈ മാസം 11മുതല്‍ 13വരെ ചെറുവത്തൂരില്‍ നടക്കുന്ന സംസ്ഥാന ടെക്‌നിക്കല്‍ ഹൈസ്‌കൂള്‍ കായികമേളയ്ക്ക് ഒരുക്കങ്ങള്‍ സജീവം. ചെറുവത്തൂര്‍ ഗവ. ടെക്‌നിക്കല്‍ സ്‌കൂളിലാണ് മേള നടക്കുന്നത്. മേളയില്‍ 43 സ്‌കൂളുകളില്‍നിന്ന്
ആയിരത്തോളം കായികതാരങ്ങള്‍ പങ്കെടുക്കും. കായികമേളയുടെ ഫണ്ട് ശേഖരണോദ്ഘാടനം ചെറുവത്തൂര്‍ പഞ്ചായത്ത് പ്രസിഡന്റ് മാധവന്‍ മണിയറ നിര്‍വഹിച്ചു. ആദ്യ ഫണ്ട് പൂര്‍വ വിദ്യാത്ഥികളില്‍നിന്ന് ഏറ്റുവാങ്ങി. പി.യു രാമകൃഷ്ണന്‍ അധ്യക്ഷനായി. പിലിക്കോട് പഞ്ചായത്ത് പ്രസിഡന്റ് ടി.വി ശ്രീധരന്‍, ചെറുവത്തൂര്‍ പഞ്ചായത്ത് വൈസ് പ്രസിഡന്റ് സി.വി പ്രമീള, ബ്ലോക്ക് പഞ്ചായത്ത് അംഗം വെങ്ങാട്ട് കുഞ്ഞിരാമന്‍, പഞ്ചായത്ത് അംഗങ്ങളായ കെ. സത്യഭാമ, എം.വി ജയശ്രീ, സംഘാടക സമതി ജനറല്‍ കണ്‍വീനര്‍ കെ. പ്രദീപ്, പി.വി വിജയന്‍, ടി. ജിതേഷ്, കെ. അനില്‍ കുമാര്‍, വി. സുരേശന്‍, സുശീല്‍ ജോയ്, എസ്. സുധീര്‍ സംസാരിച്ചു.