കൊണ്ടോട്ടി: ഒളവട്ടൂര്‍ യതീഖാന ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് സപ്തദിന ക്യാംപ് മുതുവല്ലൂര്‍ ഗവ.ഹയര്‍സെക്കന്‍ഡറി സ്‌കൂളില്‍ സമാപിച്ചു. ക്യാംപിന്റെ ഭാഗമായി വിവിധ പ്രവൃത്തികള്‍ സംഘടിപ്പിച്ചു. നിര്‍ധന കുടുംബത്തിന്റെ വീട് നിര്‍മാണപ്രവര്‍ത്തികള്‍ ഏറ്റെടുത്ത് പൂര്‍ത്തീകരിക്കുന്ന പദ്ധതിയുടെ പ്രഖ്യാപനം പ്രിന്‍സിപ്പല്‍ സി.കെ മുഹമ്മദ് കുട്ടി മാസ്റ്റര്‍ നിര്‍വഹിച്ചു. സമാപനസമ്മേളനം മുതുവല്ലൂര്‍ പഞ്ചായത്ത് പ്രസിഡന്റ് കെ.എ സഗീര്‍ ഉദ്ഘാടനം ചെയ്തു. എം.കെ മുഹമ്മദ്, കെ.പി അബ്ദുല്‍ അസീസ്, കെ.പി ഉമ്മര്‍ മാസ്റ്റര്‍, കെ. കുട്ടി ആലി, എം. അജീഷ് മാസ്റ്റര്‍, കെ. കെ മമ്മദ് മാസ്റ്റര്‍, എ.എ സലാം മാസ്റ്റര്‍, എ. ശിഹാബ് മാസ്റ്റര്‍, ടി.സി നാസര്‍, എ.മശ്ഹൂദലി, ടി. അജ്മിന ശെറി, കെ. മഹീഷ ബെന്‍സി സംസാരിച്ചു.