കൊണ്ടോട്ടി: ഇ.എം.ഇ.എ കോളജ് എം.എസ്.എഫ് യൂനിറ്റ് കമ്മിറ്റി പുതുവത്സരാഘോഷത്തിന്റെ ഭാഗമായി കോഴിക്കോട് നഗരത്തിലെ റെയില്‍വേ സ്റ്റേഷന്‍, പുതിയ സ്റ്റാന്‍ഡ്, കെ.എസ്.ആര്‍.ടി.സി സ്റ്റാന്‍ഡ് തുടങ്ങി വിവിധ ഭാഗങ്ങളിലെ ഭിക്ഷാടകര്‍ക്ക് ഉച്ചഭക്ഷണം വിതരണം ചെയ്തു. എം.എസ്.എഫ് സംസ്ഥാന സെക്രട്ടറി നിഷാദ് കെ സലീം ഉദ്ഘാടനം ചെയ്തു. യൂനിറ്റ് എം.എസ്.എഫ് പ്രസിഡന്റ് സാഹിര്‍ പുളിക്കല്‍ അധ്യക്ഷനായി.
കോഴിക്കോട് ജില്ലാ എം.എസ്.എഫ് സെക്രട്ടറി സ്വാഹിബ് മുഹമ്മദ്, കോളജ് യൂനിയന്‍ ചെയര്‍മാന്‍ മന്‍സൂര്‍, കെ.വൈ റഹീം, സഫ്‌വാന്‍ ഇല്ലിക്കല്‍, മുബഷിര്‍ കപ്പാട്, സിറാജ് ചേലാമ്പ്ര, ടി.കെ സിബ്ഹത്തുള്ള, അംജദ്, എ.പി സഫ്‌വാന്‍, ടി.കെ മുനവ്വറലി, ടി.പി ആഷിക്, റഫീഖ് നെച്ചിക്കാടന്‍ നേതൃത്വം നല്‍കി.