വടക്കാഞ്ചേരി: ചിത്രകാരനും ഫോട്ടോഗ്രാഫറുമായ ഷാജു കുറ്റിക്കാടിന്റെ വരമികവില്‍ മച്ചാട് മാമാങ്കത്തിന് ബ്രോഷറായി. ആചാര വൈവിധ്യങ്ങളുടെ ഉത്സവമായ മാമാങ്കത്തിന്റെ ബ്രോഷര്‍ ഷാജുവിന്റെ ചിത്രങ്ങളുമായി പുറത്തിറങ്ങുന്നത് ഇതാദ്യമായിട്ടല്ല.
ഇത്തവണ ഷാജുവിന്റെ വര വിരുപ്പാക്ക ദേശത്തിനു വേണ്ടിയാണു സമര്‍പ്പിച്ചിരിക്കുന്നത്. മാമാങ്കത്തില്‍ എഴുന്നള്ളിക്കുന്ന പൊയ്കുതിരകളും പങ്കെടുക്കുന്ന അനുഷ്ഠാന കലാരൂപങ്ങളുമൊക്കെ ഒട്ടും തനിമ നഷ്ടപ്പെടാതെ ഷാജു പകര്‍ത്തിയിരിക്കുകയാണ്. മാമാങ്കത്തിന്റെ വേറിട്ട കാഴ്ചകളിലൊന്നാണു വിരുപ്പാക്ക ദേശത്തിന്റെ ബ്രോഷര്‍.