കാളികാവ്: നാളെ ഡല്‍ഹിയില്‍ ആരംഭിക്കുന്ന ദേശീയ സ്‌കൂള്‍ ഹാന്‍ഡ്‌ബോള്‍ മത്സരത്തിനുള്ള കേരള ടീമിനെ മലപ്പുറം അടക്കാകുണ്ട് ക്രസന്റ് ഹയര്‍ സെക്കന്‍ഡറിയിലെ സി. മുഹമ്മദ് സഹദ് നയിക്കും. സഹദ് അടക്കം അഞ്ചു പേരാണ് മലപ്പുറത്ത്‌നിന്നും ടീമിലുള്ളത്. അടക്കാകുണ്ട് ക്രസന്റിലെ തന്നെ ഫഹദ്ബിന്‍ സലീം, മൊറയൂര്‍ വി.എച്ച്.എം.എച്ച്.എസ്.എസിലെ ആസിഫ് ഷിഹാന്‍, മുഹമ്മദ് സഫ് വാന്‍, ചേളാരി ഗവ.ഹയര്‍ സെക്കന്‍ഡറിയിലെ ജിജിത്ത് എന്നിവരാണ് ജില്ലയില്‍നിന്നും ടീമില്‍ ഇടംപിടിച്ചവര്‍.
ശരത്, ആക്ഷയ്, ദിനേശ് (കണ്ണൂര്‍), സുഫിയാന്‍, അനൂപ് (തിരുവനന്തപുരം), അമല്‍, ഷാല്‍വിന്‍, നിവേദ് (തൃശൂര്‍), ബിജോയ് (എറണാംകുളം) എന്നിവരാണ് മറ്റു കളിക്കാര്‍.