ന്യൂഡല്‍ഹി: ഡല്‍ഹി ജവഹര്‍ലാല്‍ നെഹ്‌റു യൂനിവേഴ്‌സിറ്റി (ജെ.എന്‍.യു)യില്‍ അഴുകിയ മൃതദേഹം കണ്ടെത്തി. യൂനിവേഴ്‌സിറ്റിയുടെ വനപ്രദേശത്ത് മരത്തില്‍ തൂങ്ങിയ നിലയിലാണ് മൃതദേഹം കണ്ടെത്തിയത്.

ഡല്‍ഹിയിലെ നജഫ് പ്രദേശത്തുകാരനായ രാംപ്രവീഷ് എന്നയാളുടെ മൃതദേഹമാണ് കണ്ടെത്തിയതെന്ന് പൊലിസ് പിന്നീട് സ്ഥിരീകരിച്ചു. ഇദ്ദേഹം ആറോ ഏഴോ ദിവസങ്ങള്‍ക്ക് മുന്‍പ് ആത്മഹത്യ ചെയ്തതായേക്കാമെന്ന് സംശയിക്കുന്നു. മൃതദേഹത്തിന്റെ സമീപത്ത് ലഭിച്ച ആധാര്‍ കാര്‍ഡും ഡ്രൈവിങ് ലൈന്‍സും ലഭിച്ചതാണ് മരിച്ചയാളെ തിരച്ചറിയാന്‍ സാധിച്ചതെന്ന് പൊലിസ് പറഞ്ഞു.