പേരൂര്‍ക്കട: വട്ടിയൂര്‍ക്കാവ് മണ്ഡലത്തില്‍ തുടങ്ങിവച്ച വികസനപ്രവര്‍ത്തനങ്ങളുടെ പൂര്‍ത്തീകരണമാണ് ലക്ഷ്യമെന്ന് കെ. മുരളീധരന്‍ എം.എല്‍.എ. എം.എല്‍.എയായി വീണ്ടും തെരഞ്ഞെടുക്കപ്പെട്ടശേഷം മണ്ഡലത്തിലെ വിവിധ സ്ഥലങ്ങളില്‍ നടന്ന സ്വീകരണ പരിപാടികളില്‍ പ്രസംഗിക്കുകയായിരുന്നു അദ്ദേഹം. സ്വീകരണപരിപാടികള്‍ 29 വരെ തുടരും. വട്ടിയൂര്‍ക്കാവ് ജങ്ഷന്‍ വികസനം, കുലശേഖരം പാലം, വെള്ളപ്പൊക്ക നിവാരണം തുടങ്ങിയവ അടിയന്തര പ്രാധാന്യത്തോടെ നടപ്പാക്കും. സ്വീകരണ പരിപാടിയില്‍ ഡി.സി.സി വൈസ്പ്രസിഡന്റ് കാവല്ലൂര്‍ മധു, ശാസ്തമംഗലം മോഹന്‍, നാരായണപിള്ള, ഗിരിധരഗോപന്‍, കൊടുങ്ങാനൂര്‍ ഹനീഫ എന്നിവര്‍ പങ്കെടുത്തു.