കൊച്ചി: ബസ് ചാര്‍ജ് വര്‍ധനയുള്‍പ്പെടെയുള്ള വിവിധ ആവശ്യങ്ങളുന്നയിച്ച് ഇന്ന് സംസ്ഥാനത്തെ സ്വകാര്യ ബസുകള്‍ 24 മണിക്കൂര്‍ സൂചനാ പണിമുടക്ക് നടത്തുമെന്ന് ബസ് ഓപറേറ്റേഴ്‌സ് കോണ്‍ഫെഡറേഷന്‍ അറിയിച്ചു. മിനിമം ചാര്‍ജ് ഏഴുരൂപയില്‍ നിന്ന് ഒന്‍പത് രൂപയാക്കുക, വിദ്യാര്‍ഥികളുടെ മിനിമം ചാര്‍ജ് രണ്ട് രൂപയാക്കുക, സപ്ലിമെന്റേഷന്‍ സ്‌കീമിലെ 31 റൂട്ടുകളില്‍ സര്‍വിസ് നടത്തിവരുന്ന 2009 ജൂലൈ 14 വരെയുള്ള എല്ലാ സ്വകാര്യ ബസ് പെര്‍മിറ്റുകളും നിലനിര്‍ത്തുക തുടങ്ങിയ ആവശ്യങ്ങളാണ് സംഘടന മുന്നോട്ടുവയ്ക്കുന്നത്.
ആവശ്യങ്ങള്‍ അംഗീകരിക്കാന്‍ തയാറായില്ലെങ്കില്‍ ഫെബ്രുവരി രണ്ട് മുതല്‍ അനിശ്ചിതകാല സമരം ആരംഭിക്കും.