കൊടുവള്ളി: വാവാട് സിറാജുദ്ദീന്‍ സെക്കന്‍ഡറി മദ്‌ററസയുടെ 64-ാം വാര്‍ഷിക പരിപാടികള്‍ക്കും മത പ്രഭാഷണത്തിനും തുടക്കമായി. പ്രസിഡന്റ് കെ. അബ്ദുറഹിമാന്‍ ഹാജി പതാക ഉയര്‍ത്തി. സമസ്ത മണ്ഡലം പ്രസിഡന്റ് എന്‍. അബ്ദുല്ല മുസ്‌ലിയാര്‍ ഉദ്ഘാടനം ചെയ്തു. വാര്‍ഷിക സപ്ലിമെന്റ് പ്രകാശനവും അദ്ദേഹം നിര്‍വ്വഹിച്ചു. മദ്‌റസ കമ്മിറ്റി പ്രസിഡന്റ് വി.പി.സി അഹമ്മദ് കുട്ടി ഹാജി അധ്യക്ഷനായി. സെക്രട്ടറി എടക്കണ്ടി നാസര്‍, എ.കെ കുഞ്ഞിമുഹമ്മദ്, കെ.സി മുഹമ്മദ്, വി.എ മജീദ്, എം.പി മൊയ്തീന്‍ ഹാജി, പി.കെ മുഹമ്മദ് കുട്ടി, എം.പി കുട്ടൂസ ഹാജി, അഡ്വ. പി.കെ സക്കരിയ്യ, ടി.കെ ഖാദര്‍, പി.കെ നാസര്‍, ഒ.കെ ബഷീര്‍, യു.പി മൂസ ഹാജി, അഷ്‌റഫ് വാവാട്, കെ. റസാഖ് സംബന്ധിച്ചു. കെ.കെ അബ്ദുല്‍ ഗഫൂര്‍ സ്വാഗതവും ഒ.പി.സി മുഹമ്മദ് നന്ദിയും പറഞ്ഞു. തുടര്‍ന്നു ഷമീര്‍ ദാരിമി കൊല്ലം പ്രഭാഷണം നടത്തി. അഞ്ചിന് വൈകിട്ട് നടക്കുന്ന സമാപനവും പ്രാര്‍ഥനാ സംഗമവും പി.കെ കുഞ്ഞിക്കോയ മുസ്‌ലിയാര്‍ ഉദ്ഘാടനം ചെയ്യും. കെ. അബ്ദുറഹിമാന്‍ മുസ്‌ലിയാര്‍ അധ്യക്ഷനാകും.