കോഴിക്കോട്: സ്‌പോര്‍ട്‌സ് ഹോസ്റ്റല്‍ തെരെഞ്ഞെടുപ്പ് കോഴിക്കോട്ട് നടക്കുമെന്ന് സ്‌പോര്‍ട്‌സ് കൗണ്‍സില്‍ ജില്ലാ പ്രസിഡന്റ് കെ.ജെ മത്തായി വാര്‍ത്താസമ്മേളനത്തില്‍ അറിയിച്ചു. കേരള സ്റ്റേറ്റ് സ്‌പോട്‌സ് കൗണ്‍സിലാണ് സ്‌കൂള്‍, പ്ലസ് വണ്‍, കോളജ് വിദ്യാര്‍ഥികള്‍ക്കായി സ്‌പോട്‌സ് ഹോസ്റ്റല്‍ തെരെഞ്ഞെടുപ്പ് സംഘടിപ്പിക്കുന്നത്.
നാലിന് കാസര്‍കോടാണ് ഹോസ്റ്റല്‍ തെരഞ്ഞെടുപ്പിന് തുടക്കമാവുക. ആണ്‍കുട്ടികള്‍ക്കും പെണ്‍കുട്ടികള്‍ക്കുമായി എട്ടിന് ഫിസിക്കല്‍ എജ്യുക്കേഷന്‍ കോളജ് ഗ്രൗണ്ടില്‍ നടക്കുന്ന ജില്ലാ തല സെലക്ഷനില്‍ അത്‌ലറ്റിക്‌സ്, ഫോട്‌ബോള്‍, വോളിബോള്‍, ബാസ്‌ക്കറ്റ്‌ബോള്‍, ഹാന്റ്‌ബോള്‍, കബഡി, ഖോ ഖോ എന്നിവ ഉള്‍പ്പെടുത്തിയിട്ടുണ്ട്.
ഫെബ്രുവരി രണ്ടിന് കോഴിക്കോട്, വയനാട് ജില്ലകളില്‍നിന്നുള്ള കുട്ടികള്‍ക്കായി നടക്കുന്ന സോണല്‍ സെലക്ഷനില്‍ നീന്തല്‍, ബോക്‌സിങ്, ജൂഡോ, ഫെന്‍സിങ്, ആര്‍ച്ചറി, ഗുസ്തി, തയ്ഖ്വാണ്‍ഡോ, സൈക്ലിങ്, നെറ്റ്‌ബോള്‍, വെയ്റ്റ്‌ലിഫ്റ്റിങ്, സോഫ്റ്റബോള്‍, ഹോക്കി, കനോയിങ്, കയാക്കിങ്, റോവിങ് എന്നിവയാണ് ഉള്‍പ്പെടുത്തിയിരിക്കുന്നതെന്ന് കെ.ജെ മത്തായി വിശദീകരിച്ചു. മുന്‍ മേയര്‍ ഒ. രാജഗോപാല്‍, മൂസ ഹാജി പങ്കെടുത്തു. വിവരങ്ങള്‍ക്ക്: 9400055688.