കൊയിലാണ്ടി: സി.പി.എം ജില്ലാ സമ്മേളനത്തിന് കൊയിലാണ്ടിയില്‍ തുടക്കമായി. ടൗണ്‍ഹാളില്‍ നടക്കുന്ന പ്രതിനിധി സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. സി.ഭാസ്‌കരന്‍,കെ. കുഞ്ഞമ്മദ്, ടി. രമേശ് ബാബു, പി.കെ സജിനി എന്നിവര്‍ പ്രസീഡിയം നിയന്ത്രിച്ചു. ജോര്‍ജ് എം. തോമസ് അനുശോചന പ്രമേയം അവതരിപ്പിച്ചു. കേന്ദ്ര കമ്മിറ്റി അംഗങ്ങളായ എളമരം കരീം, എ. വിജയരാഘവന്‍, കെ.കെ ശൈലജ, ഇ.പി ജയരാജന്‍, എ.കെ ബാലന്‍, സംസ്ഥാന സെക്രട്ടേറിയറ്റ് അംഗങ്ങളായ എം.വി ഗോവിന്ദന്‍, ടി.പി രാമകൃഷ്ണന്‍, സംസ്ഥാന കമ്മിറ്റി അംഗങ്ങളായ എ. പ്രദീപ്കുമാര്‍, പി. സതീദേവി, എന്‍.കെ രാധ, ജില്ലാ സെക്രട്ടേറിയറ്റ് അംഗങ്ങളായ പി. മോഹനന്‍, എം. മെഹ്ബൂബ്, സി. കൃഷ്ണന്‍, പി. വിശ്വന്‍, ജില്ലാ കമ്മിറ്റി അംഗങ്ങള്‍ ചടങ്ങില്‍ സംബന്ധിച്ചു. കെ. ദാസന്‍ എം.എല്‍.എ സ്വാഗതം പറഞ്ഞു. സേലം രക്തസാക്ഷി ഗോപാലന്‍കുട്ടി സ്മൃതി മണ്ഡപത്തില്‍ നിന്നും കെ.പി ഗോപാലന്‍കുട്ടി സ്മാരകത്തില്‍ നിന്നും പുറപ്പെട്ട ദീപശിഖ സമ്മേളന നഗരിയില്‍ എത്തിയതോടെയാണ് പ്രതിനിധി സമ്മേളനത്തിന് തുടക്കമായത്.