മാനന്തവാടി: രണ്ട് പതിറ്റാണ്ടിന് ശേഷം ഒത്തുചേര്‍ന്ന ബിരുദ വിദ്യാര്‍ഥികളുടെ സംഗമം ഓര്‍മക്കൂട് വേറിട്ട അനുഭവമായി. മാനന്തവാടി ന്യൂമാന്‍സ് കോളജില്‍ 1996ല്‍ ഡിഗ്രിപഠനം പൂര്‍ത്തിയാക്കിയ നൂറോളം പേരാണ് പുതിയ ക്യാംപസില്‍ ഒത്തുചേര്‍ന്നത്.
1995-ല്‍ കോളജിന്റെ ജൂബിലി ആഘോഷങ്ങള്‍ക്ക് നേതൃത്വം നല്‍കിയ ബി.എ ഇക്കണോമിക്‌സ്, ഹിസ്റ്ററി ബാച്ചുകളിലെ എഴുപതോളം വിദ്യാര്‍ഥികളാണ് 21 വര്‍ഷത്തിന് ശേഷം വീണ്ടും കലാലയ സ്മരണകളുമായി ഒത്തുകൂടിയത്.
ഇതോടനുബന്ധിച്ച് നടന്ന പൊതുസമ്മേളനം കോളജ് പ്രിന്‍സിപ്പല്‍ ഫാ. ബിജു ഉറുമ്പില്‍ ഉദ്ഘാടനം ചെയ്തു.നൗഷാദ് ബ്രാന്‍ അധ്യക്ഷനായി.
മുന്‍ അധ്യാപകരായ ചന്ദ്രന്‍, എ.വി മാത്യു, ഫ്രാന്‍സിസ്, ദിനേശ്, സുരേഷ്, ജി മനേനാജ്, വിജി തോമസ്, ജിജി ജോസ്, ഷാജി സൈമണ്‍, പ്രബോദ്, സി.വി ഷിബു, സുധീര്‍, ലൈല, റീന എന്നിവര്‍ നേതൃത്വം നല്‍കി. സൂര്യ സിംഗര്‍ ഫെയിം ശ്രീഹരിയുടേയും ദേവനന്ദയുടെയും നേതൃത്വത്തില്‍ ഗാനവിരുന്നും നടത്തി.