മലപ്പുറം: ചെമ്മങ്കടവ് പി.എം.എസ്.എ ഹയര്‍സെക്കന്‍ഡറി സ്‌കൂളില്‍ നടക്കുന്ന പി.എന്‍ കുഞ്ഞിമമ്മു മാസ്റ്റര്‍ അഖിലേന്ത്യാ സിക്‌സസ് ഹോക്കി ടൂര്‍ണമെന്റില്‍ കഴിഞ്ഞ തവണ കൈവിട്ട കിരീടം തിരിച്ചുപിടിച്ച് ചെമ്മങ്കവ് പി.എം.എസ്.എ ഹയര്‍സെക്കന്‍ഡറി സ്‌കൂള്‍.
തിരുവനന്തപുരം ജിവി രാജ സ്‌പോട്‌സ് അക്കാദമിയെ ഒന്നിനെതിരേ രണ്ടു ഗോളുകള്‍ക്കാണ് ടീം തോല്‍പ്പിച്ചത്. എം. ജലാല്‍, റമീസ് എംകെ എന്നിവരാണ് ഗോള്‍ നേടിയത്. ജിവി രാജക്കായി കൃഷ്ണ സബാസ്റ്റ്യന്‍ ആശ്വാസ ഗോള്‍ നേടി. നിലവിലെ ചാംപ്യന്മാരായ കൊല്ലം സായി ടീമിനെ തോല്‍പ്പിച്ചാണ് ചെമ്മങ്കവ് കലാശപ്പോരിന് യോഗ്യത നേടിയത്. ചെമ്മങ്കടവ് ജുനിയര്‍ ടീമിനെയാണ് ജി.വി രാജ സെമിയില്‍ തോല്‍പ്പിച്ചത്. 2001ല്‍ തുടങ്ങിയ ടൂര്‍ണമെന്റില്‍ ചെമ്മങ്കടവിനിത് 13ാം കിരീടമാണ്. രണ്ടുതവണ കൊല്ലം സായിയും ഒരു തവണ ജി.ബി.എച്ച്.എസ്.എസ് മലപ്പുറവും ചാംപ്യന്മാരായി.