മലപ്പുറം: പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മലപ്പുറം മണ്ഡലത്തിലെ എല്ലാ പൊതുവിദ്യാലയങ്ങളെയും മികവിന്റെ കേന്ദ്രങ്ങളാക്കാനുള്ള വിവിധ പദ്ധതികള്‍ക്ക് രൂപംനല്‍കി. ജനപ്രതിനിധികളുടെയും പ്രധാനാധ്യാപകരുടെയും സഹകരണ സ്ഥാപങ്ങളിലെ പ്രതിനിധികളുടെയും വിവിധ രാഷ്ട്രീയ പാര്‍ട്ടി പ്രതിനിധികളുടെയും സാമൂഹിക, സന്നദ്ധ സംഘടനകളുടെയും യോഗത്തിലാണ് തീരുമാനം.
പി. ഉബൈദുല്ല എം.എല്‍.എ ഉദ്ഘാടനം ചെയ്തു. മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല ടീച്ചര്‍ അധ്യക്ഷയായി. പൊതുവിദ്യഭ്യാസ സംരക്ഷണ പദ്ധതികള്‍ ക്രിയാത്മകമായി നടപ്പാക്കുന്നതിനായ എം.എല്‍.എ അധ്യക്ഷനായും മുനിസിപ്പല്‍ ചെയര്‍പേഴ്‌സണ്‍, മലപ്പുറം ബ്ലോക്ക് പ്രസിഡന്റ് സലീന ടീച്ചര്‍ എന്നിവര്‍ ഉപധ്യക്ഷരായും ജില്ലാ വിദ്യാഭ്യാസ ഓഫിസര്‍ എം.കെ ഗോപി, ഇരുമ്പുഴി ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ അനില്‍ പി.എം എന്നിവര്‍ കണ്‍വീനറായും മലപ്പുറം ഉപജില്ലാ വിദ്യാഭ്യാസ ഓഫിസര്‍ ജയപ്രകാശ്, ബി.പി.ഒ രാമകൃഷ്ണന്‍ എന്നിവര്‍ വര്‍ക്കിങ് കണ്‍വീനറായുമുള്ള ി മണ്ഡലംതല സമിതി രൂപീകരിച്ചു.
#ോഗത്തില്‍ ജില്ലാ വിദ്യാഭ്യാസ ഓഫീസര്‍ എം.കെ ഗോപി സ്വാഗതവും മേല്‍മുറി എം.എം.ഇ.ടി ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ മുഹമ്മദ് മാസ്റ്റര്‍ നന്ദിയും പറഞ്ഞു.