മലപ്പുറം: ദേശീയ പള്‍സ് പോളിയോ ഇമ്മ്യൂണൈസേഷന്റെ ആദ്യ റൗണ്ട് തുള്ളിമരുന്ന് വിതരണം 29ന് നടത്തും. ജില്ലയില്‍ അഞ്ച് വയസിനു താഴെയുള്ള 4,41,580 കുട്ടികള്‍ക്കു തുള്ളിമരുന്ന് നല്‍കുന്നതിനുവേണ്ടി 3,728 ബൂത്തുകളും 7,467 വളണ്ടിയര്‍മാരെയും ക്രമീകരിച്ചിട്ടുണ്ട്.
ഇതുസംബന്ധിച്ച് എം.ഡി.എം പി. സയ്യിദ് അലിയുടെ അധ്യക്ഷതയില്‍ ജില്ലാ കര്‍മസമിതി യോഗം ചേര്‍ന്നു. ഡി.എം.ഒ ഡോ. വി. ഉമ്മര്‍ ഫാറൂഖ്, ഹോമിയോ ഡി.എം.ഒ ഡോ. ഡി. സുനില്‍കുമാര്‍, വിദ്യാഭ്യാസ ഡെപ്യൂട്ടി ഡയറക്ടര്‍ സഫറുല്ല, ഡോ. കെ.എ പരീത്, ആര്‍.സി.എച്ച് ഓഫിസര്‍ ഡോ. ആര്‍. രേണുക സംസാരിച്ചു.