കിഴിശ്ശേരി: നിയന്ത്രണംവിട്ട ഓട്ടോ താഴ്ചയിലേക്കു മറിഞ്ഞു ഡ്രൈവര്‍ക്കു പരുക്കേറ്റു. വെള്ളിയാഴ്ച വൈകിട്ട് ആറോടെയാണ് സംഭവം. തെരുവുനായ കുറുകെ ചാടിയതാണ് അപകട കാരണം.
ഓട്ടോ ഓടിച്ചിരുന്ന ആലിന്‍ചുവട് സ്വദേശി അത്തിക്കാട്ടുപറമ്പില്‍ പുല്ലിത്തൊടി സൈതലവി (60) ക്ക് അപകടത്തില്‍ സാരമായ പരുക്കേറ്റു. വലിയപറമ്പത്ത് കോളജിന്് സമീപമായിരുന്നു അപകടം നടന്നത്. പരിസരത്തുണ്ടണ്ടായിരുന്ന വിദ്യാര്‍ഥികളാണ് ഇദ്ദേഹത്തെ ആശുപത്രിയില്‍ എത്തിച്ചത്. സൈതലവി ഇപ്പോള്‍ പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയിലാണ്.,