പാണ്ടിക്കാട്: സംസ്ഥാന ഡയറക്ടര്‍ ജനറല്‍ ഓഫ് പ്രോസിക്യൂഷനായി നിയമനം ലഭിച്ച പൂക്കുത്ത് ഗവ. എല്‍.പി സ്‌കൂളിലെ പൂര്‍വവിദ്യാര്‍ഥി അഡ്വ. സി. ശ്രീധരന്‍ നായരെ പുക്കൂത്ത് പൗരാവലിയും സ്‌കൂള്‍ പി.ടി.എ യും പൂര്‍വവിദ്യാര്‍ഥികളും ആദരിച്ചു.
അഡ്വ. എം. ഉമ്മര്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ.പി പ്രേമലത അധ്യക്ഷയായി. ജില്ലാപഞ്ചായത്ത് മെമ്പര്‍ വി. സുധാകരന്‍, പഞ്ചായത്ത് അംഗങ്ങളായ ടി.കെ സമീര്‍ ബാബു, പി. ഗോപാല കൃഷ്ണന്‍, ശങ്കരന്‍ കൊരമ്പയില്‍, ഇ. ഐദ്രു, പി.ടി.എ പ്രസിഡന്റ് കുറ്റീരി നാസര്‍, അഡ്വ. ഉസ്മാന്‍ കുരിക്കല്‍, രാമദാസ്, ടി.വി സുരേഷ് മാസ്റ്റര്‍, ടി.വി പ്രമോദ്, മാല്‍ക്കുരിക്കള്‍, ഹെഡ്മിസ്ട്രസ് ടി. ജോതിര്‍മയി സംസാരിച്ചു. അഡ്വ. സി. ശ്രീധരന്‍ നായര്‍ മറുപടി പ്രസംഗം നടത്തി.