ഉരുവച്ചാല്‍: അയ്യല്ലൂരിലെ ആക്രമണം ആര്‍.എസ്.എസ് നേതൃത്വം കൃത്യമായി ആസൂത്രണം ചെയ്ത് നടപ്പാക്കിയതാണെന്ന് സി.പി.എം ജില്ലാ സെക്രട്ടറി പി. ജയരാജന്‍. ആര്‍.എസ്.എസ് കൊലക്കത്തി താഴെവയ്ക്കുക എന്ന മുദ്രാവാക്യമുയര്‍ത്തി അയ്യല്ലൂരില്‍ നടത്തിയ പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. സി.പി.എമ്മിനെ അടിച്ചമര്‍ത്തുന്നതിന് ആര്‍.എസ്.എസ് ദേശവ്യാപക അക്രമം നടത്തുകയാണ്. ജില്ലയില്‍ സമാധാനത്തിന് ഉഭയകക്ഷി ചര്‍ച്ച നടത്തി പിരിഞ്ഞയുടന്‍ അക്രമം നടത്തിയ ഫാസിസ്റ്റുകളാണ് ആര്‍.എസ്.എസ് എന്നും ജയരാജന്‍ പറഞ്ഞു. കെ. ഭാസ്‌കരന്‍ അധ്യക്ഷനായി.