പെരുമ്പടവ്: കരിപ്പാല്‍ നാഗം ആയില്യം ഉത്സവത്തോടനുബന്ധിച്ചുള്ള കലവറ ഘോഷയാത്രയില്‍ സംഘര്‍ഷം. രണ്ടുപേര്‍ക്ക് പരുക്ക്. കരിപ്പാല്‍ സോമേശ്വരി ദേവസ്വം ഭരണസമിതി അംഗങ്ങളായ കെ.കെ നാരായണന്‍(57), കെ.കെ വിജയന്‍ ചിറ്റടി(51) എന്നിവര്‍ക്കാണ് പരുക്കേറ്റത്. ഇവരെ പെരുമ്പടവ് ആശുപത്രിയില്‍ പ്രാഥമിക ചികിത്സ നല്‍കിയ ശേഷം തളിപ്പറമ്പിലെ സ്വകാര്യ ആശുപത്രിയിലേക്ക് മാറ്റി. ഇന്നലെ വൈകുന്നേരം അഞ്ചരയോടെയാണ് സംഭവം. ഘോഷയാത്ര പാരമ്പര്യമായി പോകുന്ന വഴികളില്‍ നിന്ന് മാറി ഇടുങ്ങിയ വഴിയിലൂടെ പോകണമെന്ന ഒരു വിഭാഗത്തിന്റെ വാദത്തെ നിഷേധിച്ചതിനായിരുന്നു അക്രമം. ഇതേതുടര്‍ന്ന് സ്ത്രീകളും കുട്ടികളുമടക്കം നിരവധിപേര്‍ പങ്കെടുത്ത ഘോഷയാത്രക്ക് നേരേ അക്രമം നടക്കുകയായിരുന്നു. നാരായണന്റെ തലക്കാണ് പരുക്ക്.