ബദിയഡുക്ക: മുണ്ട്യത്തടുക്ക പള്ളത്ത് കഞ്ചാവ് വില്‍പന സംഘങ്ങള്‍ നാട്ടുകാരെ ഭീതിയിലാഴ്ത്തുന്നു. തിങ്കളാഴ്ച രാത്രി ഏഴോടെ പ്രദേശത്ത് രണ്ടു സംഘങ്ങള്‍ തമ്മില്‍ ഏറ്റുമുട്ടുകയുണ്ടായി.
വിവരമറിഞ്ഞ് പൊലിസ് നടത്തിയ പരിശോധനയില്‍ 15ഗ്രാം കഞ്ചാവുമായി യുവാവിനെ പൊലിസ് അറസ്റ്റ്‌ചെയ്തു. പള്ളം കോട്ടയിലെ അഹമ്മദ് അറഫാത്താ (22)ണ് അറസ്റ്റിലായത്.
രഹസ്യവിവരത്തെ തുടര്‍ന്ന് പൊലിസ് നടത്തിയ അന്വേഷണത്തിലാണ് അറഫാത്ത് പിടിയിലാവുന്നത്. അതേ സമയം മുണ്ട്യത്തടുക്ക, ഏല്‍ക്കാന, പടലടുക്ക, ബണ്‍പ്പത്തടുക്ക, ഉക്കിനടുക്ക, ഗോളിയടുക്ക, പെര്‍ള ആര്‍.ടി.ഒ ചെക്ക് പോസ്റ്റിന് സമീപം തുടങ്ങിയ സ്ഥലങ്ങളില്‍ കഞ്ചാവ് വില്‍പന സംഘം സജീവമാണ്.