ബോവിക്കാനം: ഓട്ടോറിക്ഷാ ഡ്രെവറെ വഴിയില്‍ തടഞ്ഞു നിര്‍ത്തി അക്രമിച്ചതായി പരാതി. ബോവിക്കാനം മുതലപാറയിലെ ഫൈസലി(26) നെയാണ് അക്രമിച്ചത്. കഴിഞ്ഞ ദിവസം രാത്രി ഒന്‍പതോടെ ബോവിക്കാനം ടൗണില്‍ നിന്ന് ഓട്ടം കഴിഞ്ഞു വീട്ടിലേക്കു പോകുമ്പോള്‍ മുതലപാറയില്‍ വച്ച് ഓട്ടോ തടഞ്ഞു നിര്‍ത്തി അഞ്ചോളം പേര്‍ ചേര്‍ന്നു മുളകു പൊടി വിതറിയശേഷം അക്രമിച്ചു പരുക്കേല്‍പിക്കുകയായിരുന്നുവെന്നാണു പരാതി. ഇരു കൈകള്‍ക്കും സാരമായി പരുക്കേറ്റ ഫൈസലിനെ ചെങ്കളയിലെ ആശുപത്രിയില്‍ പ്രവേശിപ്പിച്ചു. സംഭവത്തില്‍ പ്രതിഷേധിച്ച് സംയുക്ത മോട്ടോര്‍ തൊഴിലാളി യൂനിയന്‍ ഓട്ടം നിര്‍ത്തി വച്ച് ബോവിക്കാനം ടൗണില്‍ പ്രതിഷേധ പ്രകടനം നടത്തി.
അക്രമികള്‍ക്കെതിരേ കര്‍ശന നടപടിയെടുക്കണമെന്ന് സംയുക്ത യൂനിയന്‍ ആവശ്യപ്പെട്ടു.
പ്രകടനത്തിനു ബി.എം ഹാരിസ്, അഷ്‌റഫ്മുന്നി, നാഗന്‍കാദര്‍, പിലാവടുക്കും മുഹമമദ്കുഞി, കരുണാകരന്‍, യോഗേഷ് ,സത്താര്‍,മുഹമ്മദ് തുടങ്ങിയവര്‍ നേതൃത്വം നല്‍കി.