കാസര്‍കോട്‌: കോഴിക്കോട് സര്‍വകലാശാല സ്റ്റേഡിയത്തില്‍ നടന്ന സംസ്ഥാന വാഫി കായിക മേളയില്‍ കൊക്കച്ചാല്‍ വാഫി കോളജിനു ഓവറോള്‍ കിരീടം. സംസ്ഥാനത്തെ നാല്‍പത്തിയാറു വാഫി സ്ഥാപനങ്ങള്‍ക്കിടയില്‍ നടന്ന മത്സരത്തില്‍ ജൂനിയര്‍ ചാംപ്യന്‍ഷിപ്പും കോളജ് സ്വന്തമാക്കി. 100, 200 മീറ്റര്‍, ലോങ് ജംപ് എന്നീ ഇനങ്ങളില്‍ ഒന്നാം സ്ഥാനം നേടി കോളജിലെ മൂന്നാം വര്‍ഷ വിദ്യാര്‍ത്ഥി റാശിദ് അബ്ദുല്ല വ്യക്തിഗത ചാംപ്യനും ജൂനിയര്‍ സ്പ്രിന്ററുമായി മേളയുടെ താരമായി. 33 ശതമാനം പോയിന്റോടെയാണ് കോളജ് ഓവറോള്‍ കിരീടം സ്വന്തമാക്കിയത്. വളാഞ്ചേരി മര്‍ക്കസ് 23 ശതമാനം പോയിന്റോടെ രണ്ടാം സ്ഥാനവും കാളികാവ് പി.ജി കാംപസ് 20 ശതമാനം പോയിന്റോടെ മൂന്നാം സ്ഥാനവും കരസ്ഥമാക്കി.