പള്ളിക്കര: ബൈക്കും ഓട്ടോറിക്ഷയും കൂട്ടിയിടിച്ച് പരുക്കേറ്റ യുവാവിനെ ഗുരുതരാവസ്ഥയില്‍ മംഗളൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചു. പള്ളിക്കര കലിങ്കാല്‍ സംസ്ഥാന പാതയില്‍ ഇന്നലെ ഉച്ചക്ക് 12 ഓടെയാണ് അപകടം. ബൈക്ക് യാത്രക്കാരനായ ബദിയടുക്കയിലെ ഹമീദ് കേളോട്ട് (40)നെയാണ് ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചത്.
ഓട്ടോ ഡ്രൈവര്‍ കല്ലിങ്കാലിലെ അഷ്‌റഫിനെ (29) പരിക്കുകളോടെ കാഞ്ഞങ്ങാട്ടെ സ്വകാര്യ ആശുപത്രിയിലും പ്രവേശിപ്പിച്ചു. വിവരമറിഞ്ഞ് ബേക്കല്‍ എസ്.ഐ വിപിന്റെ നേതൃത്വത്തിലുള്ള പൊലിസ് സംഘവും സ്ഥലത്തെത്തി. എസ്.കെ.എസ്.എഫ് മുന്‍ ജില്ലാ ഭാരവാഹി കൂടിയാണ് അപകടത്തില്‍ പരുക്കേറ്റ് ഗുരുതരാവസ്ഥയില്‍ കഴിയുന്ന ഹമീദ്.