കാഞ്ഞങ്ങാട്: ഹയര്‍ സെക്കന്‍ഡറി സ്‌കൂള്‍ അധ്യാപക സ്ഥലമാറ്റ കാര്യത്തില്‍ വകുപ്പ് കാണിക്കുന്ന അനാസ്ഥ പ്രതിഷേധാര്‍ഹമാണെന്ന് ഹയര്‍ സെക്കന്‍ഡറി സ്‌കൂള്‍ ടീച്ചേര്‍സ് അസോസിയേഷന്‍ സംസ്ഥാന പ്രസിഡന്റ് എം. രാധാകൃഷ്ണന്‍ പറഞ്ഞു. അസോസിയേഷന്‍ ജില്ലാ സമ്മേളനം കാഞ്ഞങ്ങാട് ദുര്‍ഗാ ഹയര്‍ സെക്കന്‍ഡറി സ്‌കൂളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് പി. ശശിധരന്‍ അധ്യക്ഷനായി. സംസ്ഥാന സെക്രട്ടറിമാരായ പി.കെ പ്രദീപ്കുമാര്‍, കെ. രാജരാജന്‍, കെ. ബാലന്‍, കെ. ആനന്ദവല്ലി, നാരായണന്‍ മാസ്റ്റര്‍, എം. ഗോവിന്ദന്‍, സി.വി അഭിരാം,നാരായണന്‍ നമ്പൂതിരി, ജില്ലാ സെക്രട്ടറി എന്‍. സദാശിവന്‍, എ.വി രൂപേഷ് എന്നിവര്‍ സംസാരിച്ചു.