പട്ടാമ്പി : ധീരതക്കുള്ള ദേശീയ അവാര്‍ഡ് ഏറ്റുവാങ്ങി പട്ടാമ്പിയുടെ അഭിമാനമായി മാറിയ ബദറുന്നീസ ഡല്‍ഹിയില്‍ നടക്കുന്ന റിപ്പബ്ലിക് ചടങ്ങുകള്‍ക്കും പ്രത്യേക ക്ഷണിതാവായി പങ്കെടുക്കും. കഴിഞ്ഞ ദിവസമാണ് കേരളത്തില്‍ നിന്നുള്ള നാലുപേരില്‍ ഒരാളും പട്ടാമ്പി പ്രഭാത് കോളേജിലെ വിദ്യാര്‍ത്ഥിനിയായ കെ.പി. ബദറുന്നീസ പ്രധാനമന്ത്രിയില്‍ നിന്നും ധീരതക്കുള്ള ദേശീയ അവാര്‍ഡ് ഏറ്റുവാങ്ങിയത്.

കഴിഞ്ഞവര്‍ഷം കുളത്തില്‍ മുങ്ങിത്താഴുകയായിരുന്ന അമ്മയേയും മകളേയും രക്ഷിച്ചതിന്നാണ് ഈ പ്ലസ് വണ്‍ വിദ്യാര്‍ത്ഥിയെ അവാര്‍ഡിന് അര്‍ഹയാക്കിയത്. പട്ടാമ്പി പൂവ്വക്കോട് കളത്തുംപാടി ഹംസയുടെയും ഫാത്തിമയുടെയും മകളായ ബദറുന്നീസയെ വിവിധ സംഘടനകളും പട്ടാമ്പി ശ്രീ ഗുരുവായൂരപ്പന്‍ ക്ഷേത്ര സമിതിയും പൊന്നാടയണിയിച്ചു സ്വീകരിച്ചിരുന്നു.