വെട്ടത്തൂര്‍: തകര്‍ന്നുകിടക്കുന്ന റോഡ് ടാറിങ് നടത്തി ഗതാഗത യോഗ്യമാക്കണമെന്നാവശ്യവുമായി സമീപവാസികള്‍ രംഗത്ത്. വെട്ടത്തൂര്‍ പഞ്ചായത്തിലെ ഒന്‍പതാം വാര്‍ഡില്‍ നിരന്നപറമ്പ് കാര ഭാഗത്തെ വഴങ്ങോടന്‍ കോളനി റോഡാണ് ടാറിങ് നടത്തണമെന്ന ആവശ്യമുയരുന്നത്. ഇതിലൂടെ കാല്‍നട യാത്ര പോലും അസാധ്യമായിരിക്കുകയാണ്. ഒട്ടേറെ കുടുംബങ്ങള്‍ താമസിക്കുന്ന പ്രദേശത്ത് ടൗണിലേക്കും മറ്റും വന്നു പോകുന്നതിനുള്ള ഏക വഴിമാര്‍ഗം കൂടിയാണ് ഈ റോഡ്. റോഡിന്റെ ഭൂരിഭാഗങ്ങളിലും കുഴികള്‍ രൂപപ്പെട്ടതിനാല്‍ മഴപെയ്താല്‍ ഇവിടങ്ങളില്‍ വെള്ളം കെട്ടി കിടക്കുന്നതും പതിവാണ്.
അതേസമയം റോഡിന്റെ ശോച്യാവസ്ഥക്ക് പരിഹാരം കണ്ടെത്താന്‍ ബന്ധപ്പെട്ട അധികാരികളോട് പലതവണ ആവശ്യപ്പെട്ടിട്ടും തെരെഞ്ഞെടുപ്പ് സമയങ്ങളില്‍ വോട്ടിന് വേണ്ടിയുള്ള കേവല വാഗ്ദാനമല്ലാതെ നടപടികള്‍ മാത്രം ഉണ്ടാവാറില്ലെന്നാണ് സമീപവാസികള്‍ പറയുന്നത്. പ്രശ്‌ന പരിഹാരത്തിനുള്ള കാലതാമസം നാട്ടുകാരില്‍ വന്‍ പ്രതിഷേധത്തിനിടയാക്കിയിട്ടുണ്ട്.