എടവണ്ണപ്പാറ: വാഴക്കാട് റെയിഞ്ച് ജംഇയ്യത്തുല്‍ മുഅല്ലിമീന്‍ 55ാം വാര്‍ഷിക സമാപനം സമ്മേളനം നിയുക്ത എം.എല്‍.എ ടി.വി ഇബ്രാഹീം ഉദ്ഘാടനം ചെയ്തു. റെയിഞ്ച് കമ്മിറ്റിയുടെ കീഴില്‍ മുഅല്ലിമീങ്ങള്‍ക്ക് നല്‍കുന്ന റമദാന്‍ കിറ്റിന്റെ ഉദ്ഘാടനവും അദ്ദേഹം നിര്‍വഹിച്ചു.
പ്രഖ്യാപന സമ്മേളനം, കലാജാഥ, കുരുന്നുകൂട്ടം, പ്രീമാരിറ്റല്‍ ട്രെയ്‌നിങ്, മടിത്തട്ട് തുടങ്ങിയ പരിപാടികള്‍ വാര്‍ഷികത്തിന്റെ ഭാഗമായി സംഘടിപ്പിച്ചിരുന്നു. റെയിഞ്ച് വെല്‍ഫെയര്‍ കമ്മിറ്റി നല്‍കുന്ന മുഅല്ലിമീങ്ങള്‍ക്കുള്ള ക്ഷേമനിധി വിതരണം സയ്യിദ് കുഞ്ഞിസീതിക്കോയ തങ്ങളും സര്‍വീസ് ആനുകൂല്യ വിതരണം സയ്യിദ് ബി.എസ്.കെ തങ്ങളും നിര്‍വഹിച്ചു.
മുഹമ്മദ് മുസ്‌ലിയാര്‍ അധ്യക്ഷനായി. എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തി.
മമ്മു ദാരിമി, അബ്ദുറഹ്മാന്‍ ദാരിമി, യൂനുസ് ഫൈസി, ബഷീര്‍ ചെറുവട്ടൂര്‍, കബീര്‍ മുസ്‌ലിയാര്‍, സലാം മൗലവി, അഹമ്മദ് കബീര്‍ യമാനി സംസാരിച്ചു.
കോയക്കുട്ടി ഉസ്താദിനു വേണ്ടിയുള്ള പ്രത്യേക പ്രാര്‍ഥനക്ക് കുഞ്ഞിസീതിക്കോയ തങ്ങള്‍ ജമലുല്ലൈലി നേതൃത്വം നല്‍കി.