കൊച്ചി: നാഷനല്‍ ചൈല്‍ഡ് ഡെവലപ്പ്‌മെന്റ് കൗണ്‍സില്‍ കേരള റീജിയണിന്റെ അവാര്‍ഡ് കോണ്‍ക്ലേവ് നാളെ എറണാകുളത്ത് നടക്കും. ഉച്ചയ്ക്ക് രണ്ടിന് ടൗണ്‍ഹാളില്‍ കെ.വി തോമസ് എം.പി പരിപാടി ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ചടങ്ങില്‍ ജോസ് മാവേലി(മികച്ച സാമൂഹ്യപ്രവര്‍ത്തകന്‍), ഡോ. കെ.വി മോഹന്‍ദാസ്, എ.ആര്‍ പത്മകുമാര്‍ (ബിസിനസ് എക്‌സലന്‍സി അവാര്‍ഡ്), ജോണ്‍ പോള്‍ പുതുശ്ശേരി(സാഹിത്യ പുരസ്‌കാരം), മലയാള മനോരമ സിനീയര്‍ റിപ്പോര്‍ട്ടര്‍ സന്തോഷ് ജോണ്‍ തൂവല്‍, മെട്രോവാര്‍ത്ത ഫോട്ടോഗ്രാഫര്‍ സി.അരുണ്‍കുമാര്‍, ഡെക്കാണ്‍ ക്രോണിക്കിള്‍ സ്റ്റാഫ് റിപ്പോര്‍ട്ടര്‍ പി.പൂജ നായര്‍, ഏഷ്യാനെറ്റ് ന്യൂസ് റിപ്പോര്‍ട്ടര്‍ ജെയ്‌സണ്‍ മണിയങ്കാട(മാധ്യമ അവാര്‍ഡ്) എന്നിവര്‍ക്ക് പുരസ്‌കാരങ്ങള്‍ വിതരണം ചെയ്യും.
ജനറല്‍ കണ്‍വീനര്‍ ബിന്ദു സരസ്വതി ഭായ്, ഡോ. അനില എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.