കോളിയാടി: ജില്ലാ ക്ഷീരകര്‍ഷക സംഗമത്തോട് അനുബന്ധിച്ച് നടത്തിയ കന്നുകാലി പ്രദര്‍ശനം ശ്രദ്ദേയമായി.
കോളിയാടിയിലെ നെന്മേനി പഞ്ചായത്ത് ഗ്രൗണ്ടില്‍ സംഘടിപ്പിച്ച കന്നുകാലി പ്രദര്‍ശനത്തില്‍ വിവിധ വിഭാഗത്തിലായി 70ഓളം പശുക്കളും കിടാരികളുമാണ് എത്തിയത്.
ക്ഷീരവികസന വകുപ്പാണ് ബത്തേരി ക്ഷീര സഹകരണ സംഘത്തിന്റെ ഐസ്‌ക്രീം പ്ലാന്റിന്റെ ഉദ്ഘാടനത്തോട് അനുബന്ധിച്ച് പ്രദര്‍ശനം സംഘടിപ്പിച്ചത്.
പ്രദര്‍ശനത്തില്‍ കറവപശു വിഭാഗത്തില്‍ 30, കിടാരി വിഭാഗത്തില്‍ 20, കന്നുകുട്ടികള്‍ 10, എരുമ വിഭാഗത്തില്‍ അഞ്ച് എന്നിവയും വെച്ചൂര്‍, ഗീര്‍ ഇനത്തിലെ പശുക്കളുമാണ് മേള ശ്രദ്ധേയമാക്കിയത്. മേള നെന്മേനി പഞ്ചായത്ത് പ്രസിഡന്റ് സി.ആര്‍ കറപ്പന്‍ ഉദ്ഘാടനം ചെയ്തു.