കരുളായി: നിലമ്പൂര്‍ കരുളായി പതയോരത്ത് അപകട ഭീഷണിയുയര്‍ത്തിയിരുന്ന മരങ്ങള്‍ മുറിച്ചുമാറ്റി. റോഡിലേക്ക് ചാഞ്ഞുനിന്നിരുന്ന സോഷ്യല്‍ ഫോറസ്ട്രിയുടെ ചീനി മരങ്ങളാണ് വാഹന യാത്രക്കാര്‍ക്കും കാല്‍നടയാത്രക്കാര്‍ക്കും ഭീഷണിയായതിനെ തുടര്‍ന്ന് മുറിച്ചുമാറ്റിയത്.
കഴിഞ്ഞ കാല വര്‍ഷത്തില്‍ റോഡരികിലെ ചില മരങ്ങള്‍ കടപുഴകി വീണത് വന്‍ നഷ്ടത്തിനിടയാക്കിയിരുന്നു. കൂടാതെ റോഡരികിലേക്ക് ചാഞ്ഞു നില്‍ക്കുന്ന മരങ്ങള്‍ ലോഡ് കയറ്റി വരുന്ന ലോറികളും ബസുകളും തട്ടി അപകടത്തിനിടയാക്കിയിരുന്നു.
ആദ്യഘട്ടത്തില്‍ മുതീരി മുതല്‍ വളവ് വരെയുള്ളവയും ര@ാം ഘട്ടത്തില്‍ പുള്ളി മുതല്‍ അമ്പലപ്പടി വരെയുള്ള ഭാഗങ്ങളിലെ മരങ്ങളുമാണ് മുറിച്ചത്.