നിലമ്പൂര്‍: സമസ്ത കേരള ജംഇയ്യത്തുല്‍ ഉലമയുടെ കീഴില്‍ പ്രവര്‍ത്തിക്കുന്ന നിലമ്പൂര്‍ താലൂക്കിലെ 150ലേറെ മഹല്ലുകളുടെ സമ്പൂര്‍ണ സംഗമം 30ന് രാവിലെ പത്തിന് നിലമ്പൂര്‍ മര്‍കസില്‍ നടക്കും. മഹല്ല് ഭാരവാഹികള്‍, ഖാസിമാര്‍ എന്നിവര്‍ പങ്കെടുക്കും. മഹല്ലുകളില്‍ നടക്കുന്ന അനിസ്‌ലാമിക പ്രവര്‍ത്തനങ്ങള്‍ തടയല്‍, ഭവന സന്ദര്‍ശനം, റമദാനിലെ ആത്മീയത വളര്‍ത്തിയെടുക്കല്‍, മര്‍കസ് പ്രചാരണം തുടങ്ങിയവ ചര്‍ച്ച ചെയ്യും. ഒ.കുട്ടി മുസ്‌ലിയാര്‍, പുത്തനഴി മൊയ്തീന്‍ ഫൈസി, ഇ.കെ കുഞ്ഞമ്മദ് മുസ്‌ലിയാര്‍, എ.പി യഅ്കൂബ് ഫൈസി, സലീം എടക്കര തുടങ്ങിയവര്‍ നേതൃത്വം നല്‍കും.