താമരശേരി: ചുരത്തിലെ ഗതാഗതക്കുരുക്കിന് പരിഹാരം തേടി മുന്‍ എം.എല്‍.എ യും മുസ്‌ലിം ലീഗ് സംസ്ഥാന ഉപാധ്യക്ഷനുമായ സി. മോയിന്‍കുട്ടി നടത്തുന്ന അനിശ്ചിതകാല സത്യഗ്രഹ സമരത്തിന് ഇന്ന് തുടക്കമാകും .
അടിവാരത്തെ സമരവേദിയില്‍ രാവിലെ 10 ന് പ്രതിപക്ഷനേതാവ് രമേശ് ചെന്നിത്തല സത്യഗ്രഹ സമരം ഉദ്ഘാടനം ചെയ്യും. ചുരം റോഡിലെ ഗതാഗതക്കുരുക്കിന് ശാശ്വത പരിഹാരം കാണുക, പാരിസ്ഥിതിക നാശം നേരിടുന്ന ചുരത്തിന് സംരക്ഷണ നടപടികള്‍ പ്രഖ്യാപിക്കുക, ചിപ്പിലിത്തോട് - തളിപ്പുഴ ബദല്‍ റോഡ് യാഥാര്‍ഥ്യമാക്കുക എന്നീ ആവശ്യങ്ങളില്‍ സര്‍ക്കാരിന്റെ അനാസ്ഥ ഒഴിവാക്കുക എന്നിവ ഉന്നയിച്ചാണ് സത്യഗ്രഹ സമരം ആരംഭിക്കുന്നത്.
സമരത്തിന് യു. ഡി.എഫിന്റെ പൂര്‍ണ പിന്തുണ ഉണ്ടണ്ടാവുമെന്ന് സമരസമിതി ചെയര്‍മാന്‍ വി.ഡി ജോസഫ്, കണ്‍വീനര്‍ വി.കെ ഹുസൈന്‍കുട്ടി അറിയിച്ചു.