വാകേരി: ശിഹാബ് തങ്ങള്‍ ഇസ്‌ലാമിക് അക്കാദമി വിദ്യാര്‍ഥി ഫെസ്റ്റ് 'സ്റ്റാര്‍ വാര്‍ 2018'ന് തുടക്കമായി. സയ്യിദ് സഫ്‌വാന്‍ തങ്ങള്‍ ഏഴിമല ഉദ്ഘാടനം ചെയ്തു. കലകള്‍ കാലോചിതവും ധാര്‍മികവുമാവണമെന്നും കലാമത്സരങ്ങളിലൂടെ വിദ്യാര്‍ഥികളുടെ സ്വഭാവ രൂപീകരണം നടക്കണമെന്നും അദ്ദേഹം പറഞ്ഞു.
വിദ്യാര്‍ഥി സംഘടനയായ അലിഫ് പുറത്തിറക്കിയ കൈയെഴുത്ത് മാഗസിന്‍ തങ്ങള്‍ പ്രകാശനം ചെയ്തു. വര്‍ക്കിങ് പ്രസിഡന്റ് വി.കെ അബ്ദുറഹ്മാന്‍ ദാരിമി അധ്യക്ഷനായി.
കെ.എ നാസര്‍ മൗലവി, മുഹമ്മദ് ദാരിമി വാകേരി, നൗഷാദ് മൗലവി നെല്ലിയമ്പം, കെ.കെ സൈതലവി, കെ. ആലിക്കുട്ടി, അനീസ് വാഫി, റിയാസ് ഹുദവി, സ്വാദിഖ് ഹുദവി, ബദറുദ്ദീന്‍ ഹുദവി, ഹാപ്പി മുനീര്‍, ആലിക്കുഞ്ഞി ഹാജി, ഇ. പരീത്, റഷീദ് പഴുപ്പത്തൂര്‍, കുനിമല്‍ മനാഫ് സംബന്ധിച്ചു. വിവിധ ഇനങ്ങളിലായി മൂന്ന് ദിവസം നീണ്ടുനില്‍ക്കുന്ന ഫെസ്റ്റ് ഇന്ന് സമാപിക്കും.