പയ്യോളി: കേരളത്തില്‍ ക്രമസമാധാനം തകര്‍ന്നുവെന്ന് വരുത്തിത്തീര്‍ക്കാനുള്ള ബോധപൂര്‍വശ്രമങ്ങളാണ് ആര്‍.എസ്.എസ് നടത്തുന്നതെന്ന് സി.പി.എം പൊളിറ്റ് ബ്യൂറോ അംഗം എം.എ ബേബി പറഞ്ഞു.
പയ്യോളിയില്‍ തീവച്ച് നശിപ്പിച്ച സി.പി.എം ഏരിയാ കമ്മിറ്റി ഓഫിസ് സന്ദര്‍ശിച്ച ശേഷം സംസാരിക്കുകയായിരുന്നു അദ്ദേഹം.
പാര്‍ട്ടി ഓഫിസ് കത്തിച്ചവരെ അറസ്റ്റ് ചെയ്യണമെന്നും അദ്ദേഹം പറഞ്ഞു. ഏരിയാ സെക്രട്ടറി ടി. ചന്തു, സി. സുരേഷ് ബാബു, പി. വിശ്വന്‍ മാസ്റ്റര്‍, പി.എ മുഹമ്മദ് റിയാസ് സംബന്ധിച്ചു.