മലപ്പുറം: പരിഷ്‌കരിച്ച ഭാഷാധ്യാപക പരിശീലന കോഴ്‌സായ ഡി.എല്‍.എഡിന്റെ മലപ്പുറം കേന്ദ്രത്തിലെ പ്രഥമ ബാച്ചിന്റെ സംഗമം സംഘടിപ്പിച്ചു. 2006-07ലെ ആദ്യ ബാച്ചിന്റെ 'ആദരം സ്‌നേഹസംഗമം' കൂടിച്ചേരല്‍ പുത്തനനുഭവമായി. അറബി, ഉര്‍ദു അധ്യാപക പരിശീലന കോഴ്‌സായിരുന്ന എല്‍.ടി.ടി.സിയാണ് ഡി.എല്‍.എഡായി മാറിയത്.
സംഗമം മുന്‍ മലപ്പുറം എ.ഇ.ഒ കെ ഷൗക്കത്തലി ഉദ്ഘാടനം ചെയ്തു. ഭാഷാ ഗവേഷകനും ഉര്‍ദു പണ്ഡിതനുമായ കെ.പി ശംസുദ്ദീന്‍ തിരൂര്‍ക്കാടിനെ ആദരിച്ചു. ചടങ്ങില്‍ ശിഹാബുദ്ദീന്‍ ആലപ്പുഴ അധ്യക്ഷനായി.
ജമീല ടീച്ചര്‍ എടത്താനാട്ടുകര മുഖ്യപ്രഭാഷണം നിര്‍വഹിച്ചു.
ജി.ടി.ടി.ഐ അറബിക് ഇന്‍സ്‌ട്രെക്ടര്‍ ഷൗക്കത്ത് മാസ്റ്റര്‍, ഉര്‍ദു ഇന്‍സ്‌ട്രെക്ടര്‍ എന്‍ ബഷീര്‍, പൂര്‍വ വിദ്യാര്‍ഥികളായ നാസര്‍, ഷൗക്കത്ത്, സീനത്ത്, സലാം സംസാരിച്ചു.