കൊച്ചി: കൊച്ചി മെട്രോ കൂടുതല്‍ ദൂരത്തേക്ക് പരീക്ഷണ ഓട്ടം തുടങ്ങി. ഇന്നലെ ഉച്ചമുതലാണ് ആലുവയില്‍ നിന്നും പാലാരിവട്ടത്തേക്ക് മെട്രോ പരീക്ഷണ ഓട്ടം ആരംഭിച്ചത്.
മുട്ടം യാര്‍ഡില്‍ നിന്ന് പാലാരിവട്ടം വരെയായിരുന്നു ഇതുവരെ മെട്രോ പരീക്ഷണ ഓട്ടം നടത്തിയിരുന്നത്. എന്നാല്‍ മാര്‍ച്ച് അവസാനം മെട്രോ യാത്രക്കാരുമായി സര്‍വീസ് നടത്തുന്നതിന്റെ ഭാഗമായാണ് ഇന്നലെ മുതല്‍ ആലുവയില്‍ നിന്ന് പരീക്ഷണ ഓട്ടം ആരംഭിച്ചത്. ആദ്യഘട്ടത്തില്‍ ആലുവ മുതല്‍ പാലാരിവട്ടം വരെയാണ് മെട്രോ സര്‍വീസ് നടത്തുന്നത്.
കഴിഞ്ഞദിവസം ഡി.എം.ആര്‍.സി മുഖ്യഉപദേഷ്ടാവ് ഇ.ശ്രീധരന്‍ മെട്രോയുടെ നിര്‍മ്മാണപ്രവര്‍ത്തനങ്ങള്‍ വിലയിരുത്തിയിരുന്നു. ഇന്നലെ ഒന്നിലേറെ തവണ മെട്രോ പരീക്ഷണ ഓട്ടം നടത്തി. വരും ദിവസങ്ങളില്‍ ഇതേ റൂട്ടില്‍ കൂടുതല്‍ തവണ പരീക്ഷണ ഓട്ടം നടത്താനുള്ള തയ്യാറെടുപ്പിലാണ് മെട്രോ.