കൊണ്ടോട്ടി: മുണ്ടക്കുളം ശംസുല്‍ ഉലമാ മെമ്മോറിയല്‍ ഇസ്‌ലാമിക് കോംപ്ലക്‌സില്‍ ഇന്നു മുതല്‍ ആറ് വരെ നടക്കുന്ന ശംസുല്‍ ഉലമാ ഉറൂസ് മുബാറകിന്റെയും പ്രഖ്യാപന സമ്മേളനത്തിന്റെയും പ്രചരണാര്‍ഥം എസ്.എം.ഐ.സി വിദ്യാര്‍ഥി യൂനിയന്‍ സംഘടിപ്പിച്ച അഞ്ച് ദിവസം നീണ്ടുനിന്ന വാഹന പ്രചാരണം ഇന്നലെ മുണ്ടക്കുളത്ത് സമാപിച്ചു. വൈകിട്ട് നാലിന് കൊണ്ടോട്ടിയില്‍ നടന്ന പൊതുയോഗം കരീം ദാരിമി മുതുവല്ലൂര്‍ ഉദ്ഘാടനം ചെയ്തു. തുടര്‍ന്ന് നടന്ന ബൈക്ക് റാലിക്ക് ഫള്‌ലു റഹ്മാന്‍ ഫൈസി നേതൃത്വം നല്‍കി. വൈകിട്ട് നടന്ന സമാപന സംഗമം എസ്.കെ.എസ്.എസ്.എഫ് ജില്ലാ ഉപാധ്യക്ഷന്‍ ഉമ്മര്‍ ദാരിമി പളിയക്കോട് ഉദ്ഘാടനം ചെയ്തു. അബ്ദുല്‍ ഗഫൂര്‍ ദാരിമി, അഹമ്മദ്കുട്ടി ഫൈസി മൈത്ര, മോയിന്‍ മുസ്‌ലിയാര്‍, കെ.പി ബാപ്പുഹാജി, കെ.കെ മുനീര്‍ മാസ്റ്റര്‍, അന്‍വര്‍ മുതുവല്ലൂര്‍, പാണാളി മുജീബ്, കെ. ഷാഹുല്‍ ഹമീദ്, അബൂബക്കര്‍ മാസ്റ്റര്‍, മുഹമ്മദലി ജൗഹര്‍ സംസാരിച്ചു.
ഇന്ന് മൂന്നിന് കോഴിക്കോട് ഖാളി നാസര്‍ ഹയ്യ് ശിഹാബ് തങ്ങള്‍ പതാക ഉയര്‍ത്തുന്നതോടെ സമ്മേളനത്തിന് തുടക്കമാകും. തുടര്‍ന്ന് വരക്കല്‍ മഖാം കൂട്ട സിയാറത്തിന് തങ്ങള്‍ നേതൃത്വം നല്‍കും. നാളെ രണ്ടിന് നടക്കുന്ന പറമ്പില്‍പള്ളി ശഹീദ് അലിയ്യുല്‍ ബകരി ആണ്ട്‌നേര്‍ച്ച സി.എ മുഹമ്മദ് മുസ്‌ലിയാര്‍ ഉദ്ഘാടനം ചെയ്യും. നിസാര്‍ ഹുദവി പുകയൂര്‍ അനുസ്മരണ പ്രഭാഷണം നടത്തും. വൈകിട്ട് ജലാലിയ്യ റാത്തീബിന് മാനു തങ്ങള്‍ വെള്ളൂര്‍ നേതൃത്വം നല്‍കും, ഉമ്മര്‍ യമാനി തൃപ്പനച്ചി, റഫീഖ് ഫൈസി, അഷ്‌റഫ് ഫൈസി, നാസര്‍ ദാരിമി മുണ്ടക്കുളം, അബ്ദുറഹ്മാന്‍ ഫൈസി ഒളവട്ടൂര്‍ സംബന്ധിക്കും.