മൂവാറ്റുപുഴ: മുക്കുപണ്ടം പണയംവച്ചയാളെ മൂവാറ്റുപുഴ പൊലിസ് അറസ്റ്റ് ചെയ്തു. മേക്കടമ്പ് സ്വദേശി ബാബു പൗലോസാണ് പൊലിസ് പിടിയിലായത്.
സൗത്ത് ഇന്ത്യന്‍ ബാങ്കിന്റെ വെള്ളൂര്‍കുന്നം ശാഖയില്‍നിന്നും 25ഗ്രാം മുക്കുപണ്ടം രണ്ട് പ്രാവശ്യം സ്വര്‍ണമാണന്ന് വിശ്വസിപ്പിച്ച് പണയം വച്ച് 45500 രൂപ ബാങ്കില്‍ നിന്നും പണമായി വാങ്ങി മുങ്ങുകയായിരുന്നു.
ബാങ്കിന്റെ ഓഡിറ്റ് വിഭാഗം നടത്തിയ പരിശോധനയിലാണ് മുക്കുപണ്ടമാണെന്ന് മനസിലായത്. ഇതേത്തുടര്‍ന്ന് മൂവാറ്റുപുഴ പൊലിസില്‍ പരാതി നല്‍കുകയായിരുന്നു.
പൊലിസ് നടത്തിയ അന്വോഷണത്തില്‍ ബാബു പൗലോസ് പിടിയിലായത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.